Naraguna:Wirjadisastra/Main Page
 Wikisastra |
| Bab Wikisastra | Tembung Sasi Iki |
|
Sugeng rawuh ing Wikisastra, situs Wiktionary ing basa Jawa. Situs iki minangka proyèk tembayatan (kolaboratif) kang ancasé mbangun bausastra (kamus) multibasa mawa kontèn mardika. Ing kéné kabèh tembung saka manéka basa kawedharaké sarana basa Jawa. Wikisastra ora kaya bausastra lumrahé. Kontené uga ngemu dasanama (tésaurus), panuntun guru lagu (rhyme guide), serat pitembungan (phrase book), setatistik basa lan apéndhik. Wikisastra ora mung ngemu wedharaning tembung, nanging uga katerangan liyané supaya wong-wong bisa weruh surasané tembung. Mula, katerangan bab mulabukané tembung (étimologi), cara pangucapé tembung, pethilan conto, tembung sawerdi (sinonim), tembung kosokbalèn (antonim), lan pertalan (tarjamahan) uga kalebu ing kéné. Wikisastra iku wiki, kang tegesé panjenengan kena mbesut lan ngowahi, lan kabèh kontèné kaayoman ing lisènsi cacah loro: Creative Commons Attribution-ShareAlike 3.0 Unported License lan GNU Free Documentation License. Sadurungé panjenengan ngéwangi mbangun situs iki, prayoga panjenengan maca sawenèh kaca pitulung. Panjenengan uga kudu ngerti manawa wiki iki béda saka wiki liyané. Ing kéné ana paugeran kang keket bab tata gelar (layout) lan paugeran bab isèn-isèn. Panjenengan bisa sinau cara nggawé kaca, cara mbesut èntri, njajal ing bak wedhi, lan marani Gapura Paguyuban supaya panjenengan bisa urun daya nuwuhaké Wikisastra iki. |